A nosa ANPA foi creada no  ano 2007 e está inscrita no Rexistro Provincial de Asociacións co  número 2007/010953.

É unha asociación sen ánimo de lucro na que moitos pais e nais colaboran de xeito desinteresado para levar a cabo os obxectivos para os que foi creada:

• Asistir as nais, pais e titores en todo aquilo que corresponde á educación das crianzas.

• Colaborar nas actividades educativas e extraescolares do Centro.

• Promover a participación das familias na xestión do Centro.

• Facilitar a representación das familias no Consello Escolar do Centro.

• Estimular a participación das familias na programación xeral do ensino a través do órgano colexiado correspondente.

• Fomentar as relacións de cooperación entre o centro, os distintos estamentos escolares e os sectores sociais e culturais da contorna.

• Defender e protexer o principo de gratuidade no ámbito do Centro así como a efectiva igualdade dos dereitos de todo o alumnado, sen discriminación por razóns socioeconómicas, ideolóxicas, confesionais, de raza ou de sexo. 

• Esixir aos poderes públicos o cumprimento das leis, regulamentos e plans de actuación relativos á educación e servizos de conciliación, solicitando a atención e as axudas que estes merecen. 

• Impulsar actividades formativas, culturais e de estudo, así como todo tipo de accións que busquen mellorar a inclusión social e a igualdade real.

• Promover o bo entendemento e a colaboración das familias co profesorado. 

Se queres coñecer un pouco máis, podes consultar os nosos Estatutos