SUBVENCIÓN DO CONCELLO DE AMES PARA AS ACTIVIDADES DAS ANPAS NO ANO 2024

O Concello de Ames ven de resolver a convocatoria de axudas para ANPAS para o ano 2024 e a nosa asociación foille concedida unha subvención por un importe de  3.086,89 €. 

Esta subvención que foi esencial para apoiar diversas actividades que organizamos ao longo do ano, axudounos a financiar parcialmente as actividades que detallamos a continuación: 

• Servizo de mudas, destinado a atender aos alumnos de infantil que aínda non teñen control total de esfínteres, garantindo o seu benestar e comodidade.

• Taller de máscaras de Entroido, que fomentou a creatividade dos nosos pequenos.

• Celebración do fin de curso, cunha doce sorpresa de xeados para os participantes.

• Actividades do Samaín, incluíndo un taller temático, un monitors o noso fotomatón e a animación da mesma. 

• Taller de comedeiros para paxaros, promovendo a sensibilización ambiental.

• Festa de Nadal, onde os asistentes desfrutaron dunha degustación de churros.

Estas iniciativas non serían posibles sen o apoio recibido a través desta subvención. É un recordatorio da importancia das achegas públicas para asociacións como a nosa, que traballan por ofrecer actividades enriquecedoras para toda a comunidade polo que queremos agradecer ao Concello de Ames a súa aportación na actividade das ANPAS.